УЛААНБААТАР ХОТ, 2013 оны 11 сарын 06. Эрчим хүчний зохицуулалтын чиглэлээр дэлхийд тэргүүлэгч Шнайдер Электрик нь Улаанбаатар хотод өөрийн оффис, үзэсгэлэнгийн танхимаа нээсний баяраа тэмдэглэж байна. Мөн ITZone, Summit компаниудтай Мэдээллийн Технологийн чиглэлээр хамтран ажиллахаар болж, дистрибьюторын гэрээнд гарын үсэг зурснаа зарлалаа. Үзэсгэлэнгийн танхим нь эрчим хүчний хэмнэлттэй, дэвшилтэт бүтээгдэхүүнүүдийг байршуулсан зочид туршиж үзэх боломжтой 6 төрлийн интерактив үзүүлэнтэй бөгөөд энэ зочдод бүтээгдэхүүнийг сайтар мэдэрч, сэтгэл хангалуун байх боломжийг олгож байгаа юм.
Зүүн Азийн Бүс хариуцсан Ерөнхийлөгч Зэлко Косанович хэлэхдээ “Бидэнд дэвшилтэт технологи, олон улсын цар хүрээ, корпорацийн хариуцлагын 177 жилийн өв уламжлал бий. Өнөөдрийн хувьд дэлхийн зуун гаруй оронд манай 140 мянга гаруй ажилтан “Байгаа эрчим хүчээ хамгийн үр өгөөжтэйгээр ашиглахад нь хүмүүст туслах” гэсэн нэгэн зорилго дор нэгдэн ажиллаж байна. Өнөөдөр, Монгол улс эх дэлхий болон нийтийн сайн сайхны төлөө аль болох багыг ашиглан илүү үр дүнд хүрэхэд үйлчлүүлэгчиддээ туслах хүсэл эрмэлзэлтэй манай глобал гэр бүлийн гишүүн болж байгааг баяртайгаар мэдэгдэж байна.”
Шнайдер Электрик Монгол нь тогтвортой ирээдүй, ногоон хөгжлийг эрхэмлэгч нийгмийг бүрдүүлдэг эрчим хүчинд хэмнэлттэй сууц, барилга, хотыг байгуулахын тулд эрчим хүчний дэд бүтцийг мэдээллийн технологитой хослуулахыг зорьдог. Эрчим хүч ба дэд бүтэц, үйлдвэрлэл, мэдээллийн төвүүд, барилга ба орон сууцны зах зээл дэх эрчим хүчний хэрэглээг үр өгөөжтэй хамгийн дээд түвшинд хүргэдэг технологи болон цогц шийдлээр хангадаг.
Шнайдер Электрик Монгол нь эрчим хүч түгээлт, үйлдвэрлэлийн автоматжуулалт, эрчим хүч хэмжих төхөөрөмж болон хөргөлт, барилга угсралтын менежмент, аюулгүй байдлын салбарт өвөрмөц, дахин давтагдашгүй бүтээгдэхүүн, үйлчилгээг санал болгож байгаа. Мөн бидний амжилтанд чухал нөлөөтэй зүйл болох Монголын бизнес түнш, мэргэжилтэнүүдтэй хамтран ажиллах боломжийг үргэлжлүүлэн эрэлхийлсээр байх болно.
Монгол улс дахь салбарын Ерөнхийлөгч Филип Обри хэлэхдээ “Бидний Монгол улс дахь үйл ажиллагаандаа баримтлах суурь хандлага, эрхэмлэх зүйл бол хамтын амжилт, өсөлтийн төлөө Монгол байгууллагуудтай түншлэлээ хөгжүүлэх, монгол мэргэжилтэнүүдийнхээ авъяас чадварыг дээшлүүлэх явдал юм.
Өчигдөрхөн түншлэлийн гэрээнд гарын үсэг зурсан явдал маань Монголын компаниудтай ажиллах бидний хүсэл эрмэлзлийг онцолж буй хэрэг юм.”
Шнайдер Электрик Монгол нь эрчим хүч зохицуулалтын чиглэлээр хуримтлуулсан дэлхийн хэмжээний мэдлэг, туршлага, технологио хуваалцах замаар Монголын өвөрмөц онцлогт нийцэх онцгой шийдлийг хөгжүүлэх боломжийг орон нутгийн түнш байгууллагадаа олгоно.
Монгол улсад удахгүй хэрэгжүүлэх дэлхийд алдартай Эрчим хүчний хүрэлцээ төслөөрөө эрчим хүч хамгийн хэрэгцээтэй байгаа хэрнээ эрчим хүчгүй байгаа хэсгүүдийг эрчим хүчинд холбох юм.
###
Шнайдер Электрикийн тухай
Франц хотод төв нь байрладаг, зуу гаруй оронд үйл ажиллагаа явуулдаг, эрчим хүчний зохицуулалтын чиглэлээр дэлхийд тэргүүлэгч компанийн хувьд Шнайдер Электрик нь эрчим хүч, дэд бүтэц, үйлдвэрлэлийн процесс, барилга, угсралтын автоматжуулалт, мэдээллийн төвүүд/сүлжээнүүд зэрэг салбарыг хамарсан олон тооны зах зээлийн сегментэд цогц шийдлийг санал болгохын зэрэгцээ орон сууцны (ахуйн) хэрэглээний салбарт мөн томоохон байр суурь эзэлдэг. Эрчим хүчийг аюулгүй, найдвартай, хэмнэлттэй байлгахад төвлөрсөнөөр хувь хүмүүс, байгууллагад “Эрчим хүчээ хамгийн үр ашигтайгаар зарцуулах”-д нь туслалцаа үзүүлэхэд бүхий л хүчин зүтгэлээ дайчилсанаар 2012 онд манай компанийн 140 мянга гаруй ажилтан 24 тэрбум гаруй еврогийн борлуулалтанд хүрч ажилласан юм.

www.schneider-electric.com