Эдийн засаг, нийгмийн хөгжил нь цахилгаан эрчим хүчинд холбогдсон эсэхээс ихээхэн хамааралтай. Гэвч өнөөдөр манай гаригийн 1.3 тэрбум орчим хүн өнөөг хүртэл цахилгаан эрчим хүчинд холбогдоогүй , түүнчлэн 1 тэрбум орчим хүн найдваргүй цахилгаан эрчим хүчний сүлжээнд холбогдсон байна. Дэлхийн хэмжээнд цахилгаан эрчим хүчинд холбогдоогүй айл өрхүүдийн дийлэнх хэсэг нь Ази тивд амьдарч байна. Мьянмар, Камбож зэрэг улсын хувьд хөдөө орон нутгийн цахилгаанжуулалтын төвшин маш бага, 18 хувь буюу 1300 гаруй айл өрх гэрэлтүүлэггүй, харанхуй орчинд амьдарч байна. 

Шнайдер Электрик нь эрчим хүчээр хангагдах нь хүний үндсэн эрх хэмээн үздэг бөгөөд найдвартай, хямд төсөр, ногоон эрчим хүчийг хүргэх зорилготой ажилладаг. Мөн тогтвортой хөгжлийн зарчмыг тууштай дэмждэг бөгөөд эрчим хүчний найдвартай, аюулгүй хэрэглээг үндсэн үзэл баримтлалаа болгодог. Сүүлийн 6 жилийн хугацаанд Шнайдер Электрик компани 5 сая гаруй хүнийг цахилгаан эрчим хүчний эх үүсвэрт холбоход хувь нэмрээ оруулжээ. Бид ирэх 10 жилд 50 сая хүнд эрчим хүч түгээхээр зорин ажиллаж байна. 

“Шнайдерчууд бид эрчим хүчээр хангагдах нь хүний үндсэн эрхүүдийн нэг бөгөөд эрчим хүч хүн бүрд хүртээмжтэй байх ёстой хэмээн үздэг.

Монгол дахь салбарын хамт олон энэхүү төслийн хүрээнд “Гэрт гэрэл” сайн үйлсийн аяныг зохион байгуулж,Улаанбаатар хотын Сонгинохайрхан дүүргийн алслагдсан 24-р хорооны цахилгаан хангамжид холбогдоогүй, орлого багатай 96 айл өрхөд Мобиа зөөврийн гэрлээ суурилуулж, хүүхдийн суралцах цагийг уртасгах, насанд хүрэгчдийн бүтээмжтэй цагийг нэмэгдүүлэх боломжийг бүрдүүлсэндээ баяртай байна” хэмээн Шнайдер Электрикийн Монгол дахь салбарын Ерөнхий Менежер С. Ариунзаяа хэллээ.

Энэхүү сайн үйлсийн аяныг зохион байгуулахад дэмжиж, хамтран ажилласан Улаанбаатар хотын захирагчийн алба, Монгол улс дахь Франц улсын Элчин сайдын яам, Сонгинохайрхан дүүрэг, Франц-Монголын Худалдаа, Аж Үйлдвэрийн Танхим зэрэг байгууллагуудад Шнайдер Электрик компанийн зүгээс талархал илэрхийлье.                   

Мобиа зөөврийн гэрэл нь эрчим хүчний хэмнэлттэй, байгаль орчинд хоргүй LED гэрэлтэй бөгөөд нэг өдрийн нарны эрчим хүчний цэнэгээр 48 цагийн турш гэрэлтүүлэх чадвартай төдийгүй гар утас цэнэглэх боломжтой цогц төхөөрөмж юм.

Шнайдер Электрикийн тухай
Шнайдер Электрик нь эрчим хүчний зохицуулалт, автоматжуулалтын чиглэлээр мэргэшсэн олон улсын компани юм. Дэлхийн 100 гаруй орны хэрэглэгчдийн эрчим хүчний хэрэглээний аюулгүй, найдвартай, үр ашиг бүхий тогтвортой үйл ажиллагааг хангахаар ажиллаж буй 160 мянга гаруй ажилтны тусламжтайгаар 2015 онд компани 27 тэрбум еврогийн борлуулалтын орлоготой ажилласан байна. Энгийн унтраалга залгуураас эхлэн нарийн ажиллагаатай иж бүрэн системүүд, бидний технологи, программ хангамж, үйлчилгээ нь хэрэглэгчдэд үйл ажиллагаагаа автоматжуулж, удирдах боломжийг олгодог. Бидний нэвтрүүлсэн технологиуд аж үйлдвэрийн салбарын уламжлалт хэв маяг, хот дахин төлөвлөлтийг өөрчилж, амьдралын чанарыг дээшлүүлсээр байна. Шнайдер Электрикчууд бид үүнийг “Life Is On” хэмээн нэрийддэг билээ.